O loo moomia e tagata le fesoasoani tau meaai.

O le lagona lea o nisi o fanau aoga o le kolisi maualuga o Paraparaumu na o latou aoaoina foai auā le Kapiti Community Foodbank.

O se tasi o assignment mo le Vasega 13 o loo sueina le mataupu o le food and nutrition, ma o lea na amata mai i le galulue fua e aunoa ma se totogi e fesoasoani ai i le komiuniti.

Mai nei galuega e pei ona toe molimau ai i tala a le Herald, ua ta’ua ai e le fanau le matuai moomia e tagata o le fesoasoani i le itu tau meaai ma o lea e lei gata ai i le galulue volunteer ae faapea le faia o suegatupe ma maua ai le silia ma le $900.

O le tupe lea na toe faaaoga e faatau ai meaai ma e faapea e tusa ma le 1100 ma ona tupu tagata na mafai ona fafagaina ai, ma i lea fuainumera o le 800 o fanau.

O lenei poloketi tele na tuufaatasia e fanau e toafitu, ma o se mitamitaga i le kolisi le loto fesoasoani o fanau.