A o fai mai ai le Ea Niu Sila o le a faaopoopo faigamalaga a vaalele feoa’i i totonu o le atunuu e faaitiitia, e lē o faigofie i le pulenuu o Queenstown.
O suiga nei ua fai mai le kamupani vaalele ua vaavaai e suia e vaalele laiti nisi o faigamalaga na faamoemoe e faaaogā ai vaalele lapopo’a.
O faigamalaga foi nei e aafia ai Queenstown ma Dunedin, ma o lona uiga e tusa ma le 100 nofoa e faaitiitia ai ona o suiga o vaa.
E ese mai i lea o lea foi ua faailoa mai o le a lē toe iai ni faigamalaga tuusa’o mai Invercargill aga’i atu i Ueligitone e amata mai le masina o Ianuari o le tausaga a sau.
Ua fai mai ai le pulenuu o Queenstown Glyn Lewers, ua faate’ia toe faanoanoa i lenei tala ua fai mai ai le Ea Niu Sila.
O le silasila mamao a le pulenuu o le a aafia ai tupe o loo toe faataamilo mo le tamaoaiga o aai nei, ma i le talitonuga o le pulenuu e foliga mai e lē o mamao le vaai a le kamupani vaalele.
Puna o Faamatalaga: Fewer regional flights means less money circulating in the economy of larger cities – mayor | RNZ News
