E lē na o Levin le faaitu o Niu Sila na afea e uiga loulouā o le tau mai le po anapo faasolo mai i le taimi nei. Ua lipotia i le asō aafiaga o le tau i nisi faaitu o Niu Sila ma ua tuuina mai ai ma se lapataiga mai le vaaitau mo savili malolosi mo le tele o vaega o le atunuu i le agai atu i le faaiuga o le vaiaso.
O le ‘afa o le 6 i le taeao analeila na aafia ai Levin i le asiosio ua faaleagaina ai fale, motusia eletise ma pauu ai laau ma faato’ā toe tatala atu nei le state highway 1 i le te’a o le ‘afa o le 12 i le aoauli. Ua lipotia mai foi le faaleagaina o faatoaga ma o loo galulue foi le vaega o fesoasoani faavavevave e faaoo atu fesoasoani i ē ua ogaoga iai aafiaga o le tornado.
E fā laina o taavale i luga o le Harbour Bridge i Aukilani na tapunia ona o le malolosi tele o to faata’uta’u. I le vasa Pasefika ua faailoa mai foi e le RNZ ua faamauina le afā o Gina i le tusa ma le 15km mai Vanuatu i le motu o Efate ma Shepherd.
O le afā i lona Vaega 1 Category 1 o loo agai mālie i le itu i Saute i le saosaoa e 18km i le itula. O timuga mamafa ma lologa faafuasei o loo fautuaina mo nofoaga maualalalo ma vaitafe.
