O le aso a taeao lea ua fai mai ai sui o le iuni o loo galulue i trains a Aukilani, latou te lē toe taliaina ai ni galuega ovataimi poo nisi lava sifi e ese mai galuega i taimi faatulagaina.
O le faaiuga lea ua faamaonia mai e le Rail and Maritime Union ma ua faia ai e le Auckland One Rail poo le pulega o loo gafa ma auaunaga a trains i Aukilani, le 20 minute e va ai taimi o faigamalaga i taimi pisi i faaiuga o vaiaso ona o le to’agaogao o le aufaigaluega.
Ua fai mai ai foi e lē o iai se suiga i taimi o faigamalaga i taimi lē pisi faapea faaiuga o vaiaso, peitai e ono iai faigamalaga e faaleaogaina.
Ae mai le Auckland Transport i tagata femalagai ia lava le taimi e tapena ai, ma ia iloa e faaitiitia faigamalaga masani a trains i le vaiaso fou.
A o amata ai la taeao ona lē toe taliaina e sui o le aufaigaluega o loo i lalo o le iuni a le Rail and Maritime ovataimi faapea sifi faaopoopo, o le vaiaso fou lea ua faailoa mai o le a fono ai le iuni ma le Auckland One Rail e soalaupule lenei mataupu.
Puna o Faamatalaga: Auckland trains to be disrupted by industrial action at peak times (1news.co.nz)
