O fesoasoani a le mafutaga a Tina ma faletua o le Ekalesia Faapotopotoga Kerisiano Samoa lea e faaigoaina o le Tautua Puapuaga o Tagata poo le TPT, ua latou foa’i ai le tinoitupe e 70 afe tala mo le Matāgaluega o le Soifua Mālōlōina.

O le vaiaso ua mavae a o faagasolo le fono a le mafutaga o tina ma faletua o le ekalesia sa latou faia ai lea foa’i.

O le vaevaeina o le fitusefulu afe, e 50 afe ua tuuina atu mo le auaunaga a le falema’i faamamā toto, ae o le 20 afe ua fesoasoani ai i galuega a le falema’i tele i Motootua ma le falema’i i Tuasivi i Savaii.

O tausaga uma i taimi e usu ai le fono faaletausaga a le mafutaga a tina ma faletua o le EFKS i le taimi o le fonotele e faia ai lea foa’i faasamaria agalelei.