O le tausaga lenei ua atoa iai le 60 tausaga o le polokalame taua a le Malo o Amerika e ala i alii ma tamaitai pisikoa (American Peace Corps) e galulue i Samoa ma o le a faailogaina e le atunuu i se sauniga ua faatualga mo le Aso Tofi o le vaiaso nei.
E tutoatasi Samoa i le amataga o le tausaga e 1962 ae o le tausaga e 1961 na faavae ai le polokalame fesoasoani a le malo tele o Amerika e ala i alii ma tamaitai pisikoa a’o avea J. F. Kennedy ma peresetene o lea malo.
I le 6 o tausaga talu ona faavae le polokalame a le malo o Amerika ae talia lea e le malo o Samoa le aumaia o Pisikoa a’o le maea o le afā tele i le tausaga e 1966 na taunuu ai loa le uluai aumalaga o alii ma tamaitai pisikoa i le tausaga e 1967 ma o loo faaauau pea seia oo mai le tausaga nei.
I le sauniga fapaitoa i le vaiaso nei o le afioga i le Minisita o Aoga Taaloga ma Aganuu Seuula Ioane o le a faatumuutmu iai polokalame o lea 60 tausaga ma o le a folasia ai foi ni molimau mai nisi o nuu ma aiga sa ave iai pisikoa nonofo ai ma faamasani i le olaga o aso uma i Samoa aemaise o le amata a’oa’o ai o le tautala i le gagana Samoa. E pei ona silafia o le toatele o pisikoa sa galulue i le atunuu ua toe foi ae ua lelei le tautala faasamoa.
