Search
Search

60 pasene o aiga i Samoa ua faaleaga e puaa aivao a latou meatotō ma faatoaga

E 26,776 aiga i Samoa o loo latou galueaina le laueleele i faatoaga mo mea taumafa, e pei ona faamauina i le tusiga igoa tele a le atunuu o le tausaga e 2020, ae o le 60 pasene o ia aiga uma ua mautinoa le aafia o a latou atinae tau faatoaga aemaise o le afaina o le latou olaga galulue ona o le taaloa o meaituaolo aemaise o puaa aivao.

O le ogaoga o lea tulaga na mafua ai ona faatalanoa e le Kapeneta ona aafiaga e le gata o le pa’ū maualalo ai o fua o faaeleeleaga e faamauina i tausaga uma, ae o fesuia’iga i le lelei ma le matua faatulagaina o talo mo le fofoga taumafa, aemaise mo le auina atu i maketi.

I le faailoa ai e le matagaluega o faatoaga ma faigafaiva o lea tulaga ua faaali ai i se pepa o faamatalaga faalauaitele, e mafua mai i le faaleagaina e puaa aivao.

Ua faailoa e le matagaluega le manuia o taumafaiga ua amata nei ua faaaogā ai mailei mai fafo, lea ua muamua tuuina atu i nisi o nuu ma afioaga o nisi o itumalo i Upolu ma Savaii.

Ua fesoasoani malosi Malo o Niu Sila ma Ausetalia i lea polokalame ma o loo faatali nisi o mailei i le faamoemoe e tufa foi i itumalo mo le faaaogāina.

Ua faamauina i sailiiliga a le matagaluega faatasi ai ma le lagolago a komiti o fono faavae le ausia o le 90 pasene o le tele o le sao o ia mailei puaa i le tuuitiitia o meaituaolo latou te faatama’ia faatoaga.

Ua faailoa e le matagaluega e maua le 20 o puaa ua maua i se mailei, ma o itu lelei ia ua faafiafiaina ai le matagaluega i taumafaiga o loo faatino mo le puipuia malu o faatoaga.

Tala sili ona faitaulia

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required