Fesiligia le app $70,000 o loo faaalu ai tupe a le puleganuu ae o lea e tigaina tagata i le sii o rates.
O le app $70,000 o lea e faalauiloa i le masina nei ma o se poloketi o loo faatupe uma e le puleganuu a Hamilton ma le faamoemoe ia fesoasoani lea i le aufaigaluega e a’oa’o ai le gagana Maoli.
Peitai mai le councillor ia Geoff Taylor, ua ia fesiligia lea faaiuga i le taimi o loo sii ai rates a tagata Hamilton, peitai i lana maitau ua tatau ona taofi lē tumau uma tupe faaalu i fuafuaga e lē o ni poloketi autu.
Fai mai Taylor pe aisea na lē faaaogātatau ai lenei tupe i atinae o loo taumafaia nei mo fale poo nisi lava poloketi e aoga mo aiga.
Peitai o le tali a le puleganuu a Hamilton e tusa ma ripoti a le Herald, o se tupe faaalu e amanaia ai tu ma aga aemaise o le malamalama i talafaasolopito o le aai.
Mai le Pule Sili o le itu o faiga faapaaga faapea fesootaiga a le puleganuu, Janet Carson, o nisi o pisinisi Maori o loo galulue ma le puleganuu o nisi nei o inivesi tetele i le taumafaiga o le aai ma o loo latou puleaina foi aseta e matuai moomia mo le manuia o Hamilton.
Puna o Faamatalaga: Hamilton City Councillor questions spending $70,000 on te reo Māori app for staff – NZ Herald
