Ua faailoa e le Lakapi a le lalolagi ia fuafuaga e taulai i le toe faatulagaina o le fiafiaga i le lakapi, e aofia ai le 20 minute o faasalaga o pepa lamu mumu, ma le vave aveesea o le polo mai le ruck ma le molo, ma faataoto le taimi e mae’a ai le sikalamu ma lineouts.

Ua atugalu le tino e pulea le lakapi, o le faatelegese o le taaalo ma metotia lē lelei e faaono liliuese ai tagata matamata ma le taaloga, i se taulaiga, e faaleleia atili le faasolo o le polo, faaitiitia le fai ma taofi o le taaloga, ma siitia iuga lelei e iai le ola manuia o tagata taaalo.

O se kulupu galulue o tagata faapitoa o le a faavaeina e autilo i le toe faatulaga o faasalaga o solitulafono o pepa lanu mumu, lea e suia ai se tagata taalo e faasalaina e se isi tagata taalo pe a mae’a le 20 minute, ma maua ai e le isi ‘au le itu lelei o le toatele atu o le latou ‘au mo lea umi o le taimi o le faasalaga.

Ae i lalo foi o se iloiloga, ua tilotilo ai i ni faasalaga malolosi e faia i ni taaalo faasolitulafono e faamalolo ai i tua ma le malae, o le a faaono vaaia ai tagata taaalo o le a umi atu taimi e faamalolo ai i tua.

O le a tilotilo foi le lakapi a le lalolagi i le numera ma taimi o  tagata e sui i totonu, ina ia faavae ai le tele atu o ni avanoa i luga o le malae a o faaleleia atili tulaga o i latou e manunu’a.

O se fuafuaga e faaono faalēaogāina ai le aikia lauiloa a le aulakapi a le Springboks a Aferika i Saute ua iloa ai o le Bomb Squad, lea sa faaaogā e manumalo ai i taamilosaga i Ipu o le Lalolagi e lua ua mavae atu nei, i le toatele atu o tama i le laina i luma e filifilia e faaleoleo nai lo tama i le laina i tua.