Na atoa i le masina lenei o Ianuari i lona Aso 13 le 52 tausaga talu ona tuanai se tasi o faalavelave matautia ma ogaoga na fano ai ola o tagata e 32 o le atunuu. 

O le aso lea i le masina muamua o le tausaga e 1970 na palasport ma mū ai se tasi o vaalele laititi o le ituaiga o le DC3 o le Kamupani Vaalele a le Polenisia ma maliliu ai le pasese e to’a 29 faapea le pailate ma lona fesoasoani ma se tamaitai na ia fautuaina le pasese.

Faaalia i faamaumauga o tala o lea faalavelave tūga sa mamafa timuga ma faaletonu le tau i le aso o le faigamalaga. E le’i tuanai se minute talu ona tuua le malae vaalele i Faleolo mo le agai atu i Amerika Samoa ae tupu le faalavelave ina ua toe tifa i lalo le vaalele i le sami ma mu ai.

E le’o faaalia i tala faamaumau o lenei faalavelave poo le a le mafuaaga na tupu ai le faaletonu o le vaalele.