5% faaopoopo I le totogi o rates I le tausaga fou

Ua vaavaai le Auckland Council e faaopoopo le 5% I luga o rates I le tausaga fou, e toe faatulai mai ai le taulaga ona o aafiaga o le koviti

O fuafuaga nei na sau ma le paketi faataoto 10 tausaga a le pulenuu ia Phill Goff ananafi

O le 5% e tusa lea ma le silia ma le $100 tala faaopoopo I le tau o rates o fale I le tausaga fou, ma o le a eseese lava fua I le tau o lou fale o iai I luga o le maketi

Saunoa Goff o lenei siitaga o le a mafai ai e le council ona galueaina nisi o poloketi e le o mafai ona faia I le taimi nei, e pei o auala, saogalemu I luga o auala, suiga o le tau atoa ai ma le puipuiga o le siosiomaga

I nei fuafuaga ua tuuaia ai e le iuni o loo tutu mo tagata Aukilani I le va ma le Auckland Council poo le Auckland Ratepayers Alliance, e le faamaonia le 5% faaopoopo a le pulenuu

Teena foi e le iuni faamatalaga tau faatusatusa a le pulenuu, lea e finau mai foi la latou itu o le siitaga lenei e oo atu I le $120 faaopoopo ma o le isi faaopoopoga lenei I luga o siitaga o rates I tausaga taitasi

O le 5% faaopoopo ua faailoa mai, o loo fuafua e na o le faatasi ona faia, ma e amata faatalanoaga ma tagata lautele I le masina o Fepuari o le tausaga fou

O loo tu malosi le ratepayers alliance ia lagona leo o tagata Aukilani I le mataupu lenei, atoa ai ma le tetee atu I le faaopoopoga ua faailoa mai

Ae mai le pulenuu, a le faia nei siitaga, e leai se alualu se I luma o Aukilani

LAUILOA

Keep uptodate with Radio Samoa activity & promotion

* indicates required