Ua latalata lava ina taunuu le faamoemoe o Ausetalia i le mataupu e faatatau i vaamaulu Niukilia ina ua amata galuega i le academy poo le nofoaga e toleni ai tagata e fausia vaamaulu i totonu o Ausetalia i Saute.
O lea nofoaga e $480 miliona le tau pei ma ua faamatalaina o le maa tulimanu lea o le lumana’i o le atunuu i le tulaga o auaunaga tau vaa i lalo o le faiga faapaaga a le AUKUS, ma ua folafola o le a saunia ai i latou o le a a’oa’oina i lea nofoaga i galuega saogalemu ma mafai ona faatumauina ia galuega i le soifuaga.
Fai mai o se tasi lea o fuafuaga aupito tele ua faia e le malo e pei ona saunoa iai le Sui Palemia ma le minisita o puipuiga, Richard Marles.
E ui la ua ta’ua i le lipoti o le sa’ilia mai o faia’oga mo lea nofoaga atoa foi ma meafaigaluega e faaaogā e faia ai vaamaulu niukilia o le a avea ma lu’itau ae fai mai le malo o le a sa’ili atu foi i atunuu i fafo mo i latou e iai le tomai ia a’otauina ai tagatānuu o Ausetalia i lea silafia.
O le faai’uga o le 2028 ua fuafua e faamae’a ai le fausiaina o lea nofoaga.
Puna o Faamatalaga: https://www.9news.com.au/national/training-centre-australia-nuclear-powered-submarines-aukus/772e5e1d-4cae-4ee1-bab7-d048b46e7241
