E i lalo teisi ifo i le ‘afa piliona le vaegatupe ua ma’umau a tagata Ausetalia i le tausaga na tea nei ona o faiga taufaasese, o faamatalaga ia mai le ofisa o le Scamwatch lea o loo faamaopopoina faamaumauga faapea.
Ma ua ta’ua ai foi e foliga ua tau faaitiitia lea vaegatupe pe a faatusa i tausaga ua tea.
E 477 miliona le tupe faamaonia ua ma’umau aemaise lava i taufaavalea o loo faia i upega tafailagi e aafia ai tagata matutua.
O faiga taufaavalea i upega tafailagi e mafai ona aafia ai soo se tasi.
O le Meta na te umia le auaunaga a le WhatsApp, Facebook ma le Instagram, o nisi ia o auaunaga o loo faaaogāina tele e le au taufaavalea ma maua ai le faitau afe o tupe.
