I le mae’a ai o le 30 aso sa iai le motu o Upolu i poloaiga o faalavelave faafuase’i matuiā, ona o le faaletonu sa aafia ai le auaunaga tau eletise, mai le 10 o talosaga na tuuina atu muamua mo ni faamāmā avega, o lea ua oo atu i le 473 talosaga mai pisinisi ma aiga ta’ito’atasi.
E le’i faailoaina faalaua’itele e le komiti faufautua o faalavelave faafuase’i matuiā poo ā tonu meatotino o loo tuuina atu i ia talosaga, ae e to’aiva sui o se komiti mai matāgaluega a le malo o loo aofia i le li’o o galuega fesoasoani i taimi o faalavelave matuiā o le a latou iloiloina ia talosaga, ma faia ni fautuaga mo le komiti o faalavelave faafuase’i matuiā ma faai’u atu ai i se ioega a le Kapeneta.
Le ta’ita’ifono o le komiti faufautua mo taimi o faalavelave faafuase’i matuiā, ae o le Ofisa Sili o le Matāgaluega o Puna’oa Faalenatura ma Siosiomaga, afioga Lealaisalanoa Frances Brown.
