O le a mafai e i latou ua faaigoa o essential workers poo i latou i galuega e matuai manaomia lava e pei o auaunaga tau falema’i, fesoasoani faavavave,faletalavai, leoleo, vaega o le puipuiga, tausiga o soifua matutua aemaise supamaketi, faiaoga ma isi auaunaga faalauaitele ona maua se faamāmā avega i le lisiina o ni fale mautotogi “apartments” i lalo o se fuafuga a le faigamalo a NSW e faaalu ai le 450 miliona.
E silia ma le 400 fale mautotogi ua fuafua e fausia i ni nofoaga se fa i Sini i totonu o leisi tolu tausaga. O ia fale o le a ofoina le faaaogaina i tagata faigaluega ia, essential workers ma o le a faaitiitia tau e mautotogi ai i latou ia ae o se auala e fesoasoani ai iai latou e nonofo latalata ai i cities poo aai ma a latou galuega.
O lona uiga o le a aofia ai ma tausima’i, paramedics, faiaoga, leoleo ma le tineimu ma o loo tālia se faamaoniga o vaega o le a fausia ai ia ituaiga fale i lalo o lea fuafuaga tāua. O le tausaga 2026 o le a amata fausia ai ia nofoaga ae amata nofoia i le faaiuga o le 2027.
Puna o Faamatalaga: https://www.9news.com.au/national/450-million-plan-to-build-hundreds-of-new-apartments-for-essential-workers-new-south-wales/3cc6bf95-acf0-4428-883f-170ddee2c1a4
