Search
Talalelei Pauga
Talalelei Pauga

O le a iloilo e le Faamasinoga Maualuga le talosaga a Talalelei Pauga e tatala i tua e faatali ai iloiloga o lona faamasinoga

O le aso 21 o le masina nei o le a iloilo ai e le Faamasinoga Maualuga le talosaga a Talalelei Pauga e tatala ai o ia i tua mai le vaavaiga a leoleo, a o tālia ai le suesuega o le mataupu faasaga ia te ia i moliaga o le taupulepule e tagatavaleina lē sa avea ma Palemia o Samoa i tausaga ua mavae.

Sa taumafai atu lana loia le susuga Fagaloa Tufuga e faamatala atu tulaga o loo i le talosaga tusitusia, ma ta’ua ai o le tolu ai nei o tausaga o taofia lea alii i Ausetalia i le vaaiga a leoleo, ae peitai sa faasalavei mai le Tamaitai Faamasino ia Niava Mata Tuatagaloa ma ia ta’ua ai, o faamatalaga na maua, e lei fia alu i tua mai le vaaiga a leoleo Talalelei Pauga a o iai i Ausetalia.

Sa toe taumafai atu loa le alii loia mo se aso faatopetope e iloilo ai le talosaga a Pauga ma tuuina mai loa iai e le Faamasinoga le Aso Tofi, 21 o Setema, 2023 e iloilo ai.

Ua poloaiina foi le itu a leoleo ia faila atu uma a latou finauga i le mataupu lenei i le 10 i le taeao o le Aso Lulu a o lumanai ai le Aso Tofi e toe valaau ai lenei mataupu i le faamasinoga.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required