Search
Search
Photo Credit: Junior Manu Samoa fb

4 ‘au o loo tausinio i le taamilosaga o le Oceania Rugby U20s Challenge

O ‘au e fā o loo auai mai i le taamilosaga o le Oceania Rugby U20s Challenge o loo faia i Aukilani e aofia ai Fiti, Samoa, Tonga ma le Moana Pasifika. 

O lenei taamilosaga o loo talimalo ai le Moana Pasifika, ma e fai uma nei taaloga i le malae o le North Harbour Stadium mai le aso 27 o Fepuari seia oo i le aso 6 o Mati. 

O le taaloga muamua a le Junior Manu Samoa o le a taaalo ai ma le ‘au a le Moana Pasifika, ona sosoo ai lea ma le taaloga ma Tonga i le Aso Toonai aso 2 o Mati e saili ai se ‘au manumalo e sao atu i le World Rugby U20 Trophy 2024 lea e faia i Sikotilani ia Iulai i le aso 2 seia oo atu i le aso 17. 

O lana taaloga mulimuli e taaalo ai ma Fiti i le aso 6 o Mati. 

O le ‘au a le Junior Manu Samoa (U20s) o loo filifili mai lava i Samoa le tele o tamaiti taaalo se’i vagana ai le susuga ia Pitone Joseph Avito o loo filifili atu i Niu Sila nei. 

Ma o se tulaga lelei lea o loo fiafia tele iai le pulega a le tatou Junior Manu Samoa ona o le tele o le sao o taaloga o loo faagasolo nei i Samoa o loo mafai ai ona filifili mai ai le tele o ana tamafanau e fai ma avefu’a i soo se taaloga a le lalolagi. 

O loo tapuaia e le atunuu le taamilosaga o loo faagasolo nei a le Oceania Rugby U20s Challenge o loo auai mai ai le ‘au a le atunuu ina ia maua sona avanoa i le taamilosaga o le a faia i Sikotilani. 

O le afiafi o le Aso Lua lea na taalo ai le Junior Manu Samoa ma le Moana Pasifika i le malae o le North Harbour Stadium ma sa malolo le Junior Manu Samoa i ‘ai e 20 i le 27 a le Moana Pasifika.

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

Keep uptodate with Radio Samoa activity & promotion

* indicates required