A o faaauau pea su’esu’ega i le faalavelave na lavea ma mafuli ai le vaalele a le Delta i Kanata i le vaiaso nei, o lea ua ofo mai le ta’i $30,000 mo tagata o le pasese.
O le malosi tele le aisa to’ulu i le malaevaalele i Toronto Pearson o le mafua’aga lena ma e faafetaia e leai se soifua na ma’umau ai.
O lea lava o loo taatia le tino o le vaa lenei a le Delta i luga o le auala o vaalele poo le runway, ma a o faia ai pea su’esu’ega masani a pulega e gafa ma lea auaunaga, o lea ua fai mai le Delta e ofo mai le $30,000 i le tagata, ma e lē aafia i lea meaalofa tupe aiātatau a le tagata lava ia.
O tagata foi e 21 o le pasese na ave i le falema’i, e oo mai i le taimi na aumai ai lipoti o lea ua toe te’a uma i tua le 20 o i latou e tusa ma tala mai le kamupani vaalele.
E ese mai meaalofa tupe mai le Delta, o lea foi o loo galulue nei e tuuina atu ato a le pasese lea na aveesea saogalemu mai le vaa.
Puna o Faamatalaga: Delta plane crash latest: ‘Extreme conditions’ at Toronto airport in days before crash – ABC News
