E 3 miliona le faasalaga tupe ua tuuina i le Telstra atoa ai ma le faitau miliona o tupe e toe faafoi atu i ana paaga i le mae’a o le tuuina o ni totogi i le faitau afe o ana paaga mo le faaaogāina o le initaneti ae lē o ola.
O le Australian Communications and Media Authority poo le ACMA ua latou ta’ua o le faasalaga lea mo le Telstra e aofia ai le silia ma le 11 o tausaga ma e lē o se tulaga lelei lenei.
Fai mai le ACMA ua mae’a toe faafoi atu pe refund e le Telstra le 177 miliona ma le isi 3.4 miliona sa tatau ona totogi e faagata mai i le faaiuga o le masina nei.
Fai mai sa sese ona pili e le kamupani tagata e 6,500 o ana paaga mai ia Aokuso 2012 seia oo mai ia Aokuso o le tauaga nei ma e lē faatoa tupu ai lea o lea tulaga.
Fai mai le ACMA o le itu e faanoanoa ai ona o le taimi lenei o loo feagai pisinisi laiti a tagata uma ma luitau i le tau o le soifuaga ma ua atili ai mafatiaga i nai tagata.
