Ua sau i lalo le tele o meaai faama’umau e tagata Niu Sila, peitai ua alu i luga le tau i le tusa e $3.2 piliona i le tausaga.
I suesuega na fesiligia ai le 1,500 tagata na iloa ai o loo toe lafoai e tagata o aiga le 12.2% meaai o loo faatauina mai, ma o lea ua sau i lalo mai le 13.4% sa iai i le tausaga talu ai.
A faaliliu tupe e tusa lea ma le $1,510 le tau o meaai lafoai i le tausaga a le aiga toatasi.
Peitai ona o lea e alu i luga le taugata o meaai, ua sii ai foi ma le tau faatusatusa mai le $3.1 piliona i le tausaga, i le $3.2 piliona.
O fualaau faisua o loo maualuga ai lava i meaai o loo toe lafoai, sosoo atu ai ma le falaoa ma fualaau’aina.
