O se tasi lenei o fesoasoani e tauala mai ile Malo o Iapani mo le faatupeina o masini olea faaogaina mole gaosiga o meaai(food processing machines) i lalo o se tasi o polokalame mo le atinae o tamaoaiga ma aga fesootai.
O lenei la fesoasoani na sainia ele Palemia o Samoa Afioga Fiame Naomi Mataafa male Amepasa ole Malo o Iapani i Samoa nei SENTA Keisuke.
Ole agaga faafetai ile Palemia ia Fiame ona ole fesoasoani ua maau ai le Malo o Iapani.
“O nei masini olea faaogaina lea i le vaega o oloa taufaatoaga ma manu fasi ma ia agai ai luga le auaunaga tau suesuega faaSaienisi a i latou oloo gafa ma nei vaega.”
“O nei foi masini olea agai sao lea i le nofoaga ua fausia mo trials o oloa oloo suesueina ele vaega ale S.R.O.S e pei ona moomia ai.”
“E momoli le faafetai tele ile Malo o Iapani e tusa ai o lenei fesoasoani mo Samoa ma ana atinae.”
O nei masini e aofia ai freeze dryer ma high pressure processinf machine e lagolagoina ai se vaaiga fou i oloa gaosi taumafa aemaise taumafaiga o auaunaga ale Ofisa o Suesuega faaSaienisi poo le Scientific Research Organization of Samoa(S.R.O.S).
O lenei fesoasoani ose faailoga lea ole sootaga vavalalata a Malo e lua aua le galulue faatasi ai ina ia atinae le tamaoiga o Samoa ma ona tagata ma ia ausia ai e Samoa laasaga ua maea faataatitia mo le siitia o lona tamaoaiga.
