207 cases fou, maliu se tamā pe a ma le 70 tausaga ile falemai i Liverpool

Ua faaopoopo foi seisi soifua ua maumau mai le koviti 19 I Niu Sau Uelese i Ausetalia ina ua faailoa mai I le aso e le premier Gladys Berejiklian ua faamauina cases e 207 ile aso ma le tama pe a ma le 70 tausaga ua maliu mai le itu I saute I sisifo o Sini, mai le falemai o Liverpool.

O le ono ai lenei o vaiaso o faia pea le tapu poo le vavao I Niu Sau Uelese ma mai le aofaiga lea e 72 I latou na aafia ao iai pea I le komiuniti.

O le ua maliu ua uma ona faia le tui e tasi o le koviti, o le Astrazeneca ma ua atoa ia te ia le toa 15 o tagata ua maliliu talu ona toe pepesi le faamai talu mai le aso 16 o Iuni.

Ua oo atu I le 3634 tagata o loo aafia I le faamai I le taimi nei I Niu Sau Uelese.

O se vaega tele o cases o loo maua ane e aafia mai I falefaigaluega ma aiga. E 232 tagata ua aafia o loo togafitia ile falemai, 54 tagata o loo ile vaega tigaina ole falemai, 25 o loo faamanava I le masini. 

E silia ma le 117 afe tagata na faia siaki o le koviti I le 24 itula talu ai. E silia ma le 3.9 miliona tuipuipui ua maea ona faia I Niu Sau Uelese.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required