E oo mai anapo ua oo i luga i le 2,000 tagata ua maliliu i Sisifo o Afghanistan ona o le mafuie na lūlū i le Aso Toonai.

E faamatalaina faatoa toe faalogoina lea o se mafuie malosi i totonu o Afghanistan 6.3 i lea atunuu i totonu o le 20 tausaga.

E ese mai le uluai lūlū, o aftershocks malolosi na maliliu ai le tusa ma le 12 o tagata i le Aso Toonai lava.

O le faalavelave faalenatura lenei na muamua lipotia mai e le United Nations e 320 tagata maliliu, mulimuli ai toe faasa’o mai ma e oo mai anapo ua oo i luga i le 2,000.

E lē o faigofie fesootaiga ma nuu e 6 ua aafia ona o le motusia o itu tau fesootaiga.

E ono faaopoopo pea le fuainumera o tagata maliliu ona o lea e toatele o loo tanumia.