Tasi le vaiaso ua toe suia ai i aoga e faia online mo se tasi o aoga i Aukilani ona o le Omicron. E 200 fanau aoga a le Albany Junior High School sa aooga i totonu o potu a’oga mo le lua aso ae ona o le malosi o le pipisi o le Omicron ua toe aooga mai ai nei i o latou fale.

I luga o le upega tafailagi a le aoga, e le o fanau uma ua maua i le Omicron peitai e iai isi ua moomia le faanofoesea poo nisi lava foi mafuaaga.

Ua faia ai ma le faaiuga o le a amata aooga online mai le asō mo le fitu aso.

E le o faigofie i le pulega o le aoga, peitai o loo mafanafana e mafai ona usitaia e fanau lenei suiga mo le puipuia o tagata uma.