E foliga ua faasolo atu lava ina atili faafaigata le amataga o le taamilosaga liki mo le Brisbane Broncos ina ua lipotia ile aso e toa 16 tama taaalo ma sui e toatolu o le kalapu ua faamaonia le aafia ile koviti.
O ananafi na faalauiloa ai e le kalapu e toafa tama taaalo ua aafia peitai o lipoti lata mai i le aso ua faailoa ai e toa 16 ina ua maua mai le iuga o siaki a isi na faia ile aso Lua.
Ua faatonuina uma i latou ia e faanofoesea i aiga mo leisi fitu aso ma o le a mafai ona toe foi ane i tolegiga pe a kilia ua leai ni auga o le faamai. E ui ile toatele ua aafia ae na faailoa o le toa 22 o sui o le kalapu na agai ane lava i tolegiga ile aso. Fai mai o sui uma o le kalapu ua maea ona faia uma tui puipui e lua pei ona lipotia e le News Home.
Fai mai el ofisa sili o le kalapu o Dave Donahy o le faamuamua o le soifua maloloina o tama taaalo aemaise le aufaigaluega ma o le a faamautinoa o loo tausia lelei e ua aafia ao faanofoesea ai . O le kalapu foi a Penrith o loo taua i nisi lipoti o loo faanofoesea foi a latou tama taaalo ma nisi o le aufaigaluega ma ua le avanoa ai mo toleniga mo le amataga o le taamilosaga.
