Ua taliu mai i fanua le autaaalo a le atunuu i le taaloga o le Taekwondo ina ua mae’a se tausinioga i Niu Sila i le vaiaso ua mavae, ma pine e 15.
E 4 pine auro, iva siliva ae lua pine apa memea.
E toasefulu fitu le ‘au na malaga ma sa aofia ma nisi o fanau aoga sa tausinio i le vaega laiti poo juniors.
O le tausinioga Taekwondo na faia i Aukilani ua faaigoaina o le Kukkiwon Cup.
O le ‘au masii a Samoa sa filifilia uma mai i le kalapu taalo o le Tuiaopo Investments KLAS Taekwondo i Matautu i Apia.
O le faiaoga o le ‘au a le atunuu o le afioga Leuluaitumua Tapunuu Kaino Thompsen Fuataga.
O pine auro a Samoa na manumalo ai le alii o Corithians Fritz Kasimani, ma tamaitai o Tevani Laumea, Gianna Simanu, ma Luisa Fulivai.
O pine siliva na manumalo ai Auliimoana Laumea, Jeannette Fritz Kasimani, ma Keanna Tuaoi i le vaega o tamaitai, ae o alii na manumalo foi i le siliva o Otele Toleafoa, Hele Stowers, Sebastian Eteuati, Niko Vaitupu, Dante Senio ma Ryan Eteuati.
O pine apamemea e lua a Samoa na manumalo ai le tamaitai o Tovale Filipo ma le alii o Taaloga Faasalaina.
