Ile maea o vaiaso o feutanaiga e faatatau i femalagaaiga i trains i Sini, ua faailoa mai nei se faaiuga a le faigamalo a Niu Sau Uelese o le a maua ai se faamama avega mo le atunuu femalagaaiga i auala o feoaiga lautele public transport, e 12 aso o le mafai ona feoai ai tagata I ia auaunaga e aunoa ma se totogi,
O lona uiga amata atu I le aso 14 o le masina fou o Aperila agai I le aso 26 o Aperila o le a le totogiina ni pasese mo faigamalaga,, o le faaiuga lea ua taunuu iai talanoaga I le mataupu lea a le malo o NIu Sau Uelese faapea foi le NSW Rail, Tram ma le Iuni mo pasi lea sa o latou faalala ane o le a solo tetee I aso faraile uma le aufaigaluega seia oo ia Iuni sei vagana ua faia ane se faatatau a le malo mo malaga e faia fua, o se faamaoniga lea o le faatoesega mai le malo e tusa o le faaletonu na aliae I le amataga ole masina talu ai na tapunia ai auaunaga a trains.
O le piliota ua faaagaga mo faigamalaga faia fua ia e talafeagai tonu ma le faamanatuina o le Eseta o lenei tausaga ma o se faamama avega foi I aiga femalagaai solo. E iai faamatalaga salatua e faapea o le tupe atoa ua fuafua o le a lusi a le malo I le faatatau lea pe a ma le 14 miliona.