E silia ma le sefulutasi miliona aseta e maua e leoleo mai kegi Aukilani i totonu o le na o le 10 masina.
O faamaumauga nei o loo ta’ua ai e $11.69 miliona e lē gata o tupe pepa, penina, taavale ae faapea fale, ma o le va o Ianuari o le tausaga lenei ma Oketopa lea na faamauina ai.
A faatusa i le piliota lava lenei o le tausaga talu ai, o lea ua silia ma le faafā le tele o aseta ua maua i lenei tausaga, lea sa na o le $2.82 miliona.
O aseta nei e taofia i lalo o vaavaaiga a leoleo ae e le’i tuuina atu i le matagaluega o pisinisi mo le toe faatau ese, ma o tupe foi e maua mai ai e toe faaaogā lea i nisi o polokalame.
O le tele o aseta na aveesea faamalosi mai e leoleo i taimi na osofa’ia ai sui o kegi, o lea na maua mai fale sa nonofo ai.
Puna o Faamatalaga: Auckland police seize $11m from gangs in 10 months – quadruple increase from last year – NZ Herald
