O upega tafailagi a nisi o auaunaga a le malo ma faletupe sa offline pe motusia mo se taimi ma e foliga mai ua aafia I seisi foi osofaiga I upega tafailagi , se cyber attack e pei ona taua I le televise a niusila.

O le NZ Post ma le Ofisa o Tupe maua a le atunuu, Inland Revenue ua o latou faaalia I lea lipoti o loo faia nei suesuega I lea faaletonu. O le ofisa o le vaaitau na mafai ona o latou faasino a latou paaga I seisi upega tafailagi faaleoleo poo se backup website o loo aofia ai faamatalaga autu e aofia ai vaaiga ole tau, lapataiga ma tulaga I timuga e aafia ai le atunuu ao faia a latou galuega e toe faaleleia ai le upega tafailagi autu.

O le faletupe o le ANZ faapea foi ma le Kiwibank ua lipotia e lei mafai e a latou paaga poo customers ona login I a latou accounts. O loo taua I isi lipoti o le aso Faraile talu ai na aafia ai le auaunaga a le Vocus se tasi o auaunaga feagai ma tulaga tau initaneti lea foi na aafia ai nisi e faaaogaina lea auaunaga I le atunuu atoa. O loo faagasolo nei suesuega I lenei faaletonu.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required