10 faalapotopotoga pisinisi ua faamanuiaina i le $250,000 a le Malo

Ua 25 nei tausaga talu mai le tausaga e 1997 na amata fesoasoani ai le Malo i le siitia ma le faaleleia o auaunaga a faalapotopotoga tau pisnisi i totonu o le atunuu e ala i vaegatupe e tuuina atu iai.

O lea foi ua faaauauina lenei fesoasoani e le faigamalo fou e pei ona faamanuiaina ai faalapotopotoga tau pisinisi e sefulu ua tufa iai le vaegatupe e $250, 000 tala. E lua ni faalapotopotoga ua aveesea ma le lisi o pisinisi tuma’oti sa maua muamua lea faamanuiaga ona ua faaalia e le Minisita o le Matagaluega o Alamanuia, Pisinisi ma Leipa ua lē tausisia ta’iala o le faaaogāina o ia tupe. 

iframe title=”10 faalapotopotoga pisinisi ua faamanuiaina ile $250,000 a le Malo” allowtransparency=”true” height=”150″ width=”100%” style=”border: none; min-width: min(100%, 430px);” scrolling=”no” data-name=”pb-iframe-player” src=”https://www.podbean.com/player-v2/?i=id547-1283749-pb&from=pb6admin&share=1&download=1&rtl=0&fonts=Arial&skin=666666&font-color=auto&logo_link=none&btn-skin=ff6d00″>

Le afioga i le Minisita o Alamanuia, Pisinisi ma Leipa le tofa Leatinuu Wayne Sooialo i le sauniga na tauaao ai seleni e faalapotopotoga tau pisinisi e sefulu ua faamanuiaina. O i latou ua faamanuiaina o le faalapotopotoga o le aufaipisinisi i le atunuu le Samoa Chamber of Commerce e $50,000 afe tala.

O le faalapotopotoga o tina faipisinisi le Samoa Women in Business e $45,000, o le asosi o le ‘au falegaosi oloa le Samoa Manufacturers Association e $40,000, faalapotopotoga o le ‘au fai faletalimalo e $35,000, o le aufaipisinisi a Salafai poo le Business of Salafai Association e $25,000, Samoa Federated Farmers e $20,000, Savaii Samoa Tourism e $10,000, o le Samoa Mamanu Designs and Manufacturers ma le Tautai Samoa Association ua maua le ta’i $5,000 ma le Samoa Information and Technology Association e $15,000 tala.