O loo iai nei i le falemai se alii fai mai e lua vaiaso o iai i le togavao i le South Island.

O le aso ananafi na faataunuu ai se sailiga o lea tagata ina ua logo e se tasi se fale’ie e le o iai se tagata atoa ma se uila ma isi aitema i le Ellis River.

O le tagata la lea na maua atu i Baton Valley i le po anapo ina ua faasolo le suesuega a leoleo ma maua ai i le tea o le 5 i le afiafi.

O le faamatalaga a leoleo o lea tagata sa aunoa ma se meaai mo le vaiaso atoa ma e laki o loo soifua pea.

Fai mai leoleo o ituaiga mataupu faapea e faamanatu ai i le lautele e tāua tele le iloa e leoleo o ni faamatalaga e tusa pe faatauvaa ae o ni mea e mātau atu e foliga e le masani ona vaaia auā o i e mafai ai ona faia suesuega a leoleo ma mafai ona laveai ai se tasi o fia maua le fesoasoani.

E faafetaia e leoleo le tagata na ia logoina atu i latou e tusa o le fale’ie ma aitema na iloa i le togavao ma faamanatu ai foi i tagata e fiafia e savalia ia nofoaga ma fanafanaga ia mautinoa o iai se faailoilo e mafai ona faailoa ai o loo manaomia se fesoasoani.