E $1.5 piliona lea ua fai mai le malo o le a faaalu e faaopoopo ai nisi leoleo fou i toese faapea le toe sosooina o le toese i Waikeria.

O lenei vaegatupe tele ua faamaonia mai e le Palemia, Christopher Luxon ananafi o le a faasoa i totonu o le 4 tausaga ma e 685 isi tagata faigaluega faaopoopo o le a omai ai.

E ese mai le au galulue o loo iai foi i totonu o lea vaegatupe tele, o tupe e toe faaaopoopo ai isi moega e 810 mo le toese i Waikeria e ese mai le 600 lea na faaopoopo e le faigamalo a le Labour.

Ua sau ai i le mae’a faatonuina e le malo o le matagaluega o falepuipui e sue le silia ma le $100 miliona tupe faasao ae faaui agai i tagata faigaluega o loo feagai ma tagata poo le frontline.

Ua fai mai ai ma le minisita o falepuipui, Mark Mitchell o lea ua mafai ona faasaoina mai e le matagaluega le $442 miliona, e ui e lē o iloa poo fea tonu e sau mai ai.

Puna o Faamatalaga: NZ politics live: Government unveils $1.5 billion Corrections spend | Stuff