Ua viia e tagata suesue faapitoa le auala fou ua o ai I fale o aiga sui o le soifua maloloina e faia siaki o le Koviti
I totonu o Aukilani e ono pitonuu o loo taulai iai le soifua maloloina poo pitonuu nei o loo aliae mai ai cases I tua I le komiuniti, lea e aofia ai Magele, Favona, Otara, Manurewa ma Mt Wellington lea ua faaopoopo
Ua faamautinoa mai ai e le matagaluega a le soifua maloloina faapea le Northern Region DHBs o le a faaauau pea ona agai atu le aufaigaluega I vaega o Aukilani o loo iai clusters
Ese mai I siaki o loo mafai ai foi ona faia ma tui o le Koviti I le taimi o loo faia ai nei asiasiga I fale o aiga, ma o le a faia lava foi ma le poto e ala I le tausisia pea o le va mo le puipuiga
