I le matāupu i le atunuu o Venezuela ua faailoa mai i le asō le valaau o le atunuu i kamupani vaalele faavaomalo ia sa taofia faigāmalaga i le vaiaso nei ina ia toe faaauau faigāmalaga i totonu o le 48 itula; a leai o le a aveese loa le avanoa e toe oo atu ai ni a latou faigāmalaga i le atunuu.
E pei ona faailoa atu i talafou o le vaiaso nei le faai’uga ua faia e le tele o kamupani vaalele e afea Venezuela ia latou malaga, ua faamuta i le vaiaso nei ina ua lapata’i ane le US Aviation.
Ua faailoa ane ai la i le asō ma se lapata’iga mai le International Air Transport Association aga’i i le auaunaga tau vaalele a Venezuela o le aveesea o le avanoa poo le kilia e faimalaga atu ai vaalele ia i le atunuu o le a atili ai ona isolate pe tuu na o le atunuu e aunoa ma ni auaunaga tau vaalele.
O le matāupu lava lea i le va o Amerika ma Venezuela ua afua ai ia suiga uma ona o loo finau atu Amerika ia faamuta le sapalai ma le faatauina o fualaau faasāina i lea faaitu aemaise ia aveesea le ta’ita’i o iai o le atunuu o Nicolas Maduro lea e aofia ai i le matāupu lea.
O loo faatalia la poo le ā le isi laasaga o le a iai pe toe faaauau faigāmalaga a kamupani vaalele pe leai.
Puna o Faamatalaga: https://www.bbc.com/news/articles/cg4nl3dxkd9o
