Mai popolega i masaloga ma le lē mautonu, o le tulaga lea ua iai tagata Venezuela i Caracas ina ua vaaia le aga’i ane o le vaa la’u vaalele a Amerika i Latina Amerika ma ua faasolo lava ina lē manuia le tulaga o iai le mafutaga a atunuu e lua.
Ta’ua i le CNN o le vaa a le Navy a Amerika sa o latou faatino osofa’iga i isi vaa i lea faaitu, o loo masalomia o loo aafia i le tufatufaina ma le sapalaia o fualaau faasāina i le Atu Karipiane i le lua masina talu ai.
E ui la fai mai le ofisa o le malo tele i Uosigitone o le aga’i ane o le vaa lea a le atunuu e fesoasoani i tapenapenaga a le militeli e faatatau i fualaau faasāina, ae talitonu Venezuela o loo taumafai ane Amerika ina ia suia le faigāmalo i lo latou atunuu.
O loo māta’itū ma le toto’a e le aufaasalalau le mafutaga a atunuu e lua ma le tulaga e ono oo iai le matāupu lea i fualaau faasāina.
Puna o Faamatalaga: https://edition.cnn.com/2025/11/12/americas/venezuela-us-aircraft-carrier-reaction-latam-intl
