O le Aso Tofi o le vaiaso nei lea ua feta’ua’ina o le a feiloa’i ai le ta’ita’i o le Itu Agai a Venezuela o Maria Corina Machado ma le Peresetene o Amerika, Donald Trump e pei ona faamaonia mai e le Fale Pa’epa’e.
O lea fuafuaga ua faia ae faato’ā mae’a i ni nai vaiaso le osofa’ia e Amerika o Venezuela ma pu’eina le Peresetene o Nicholas Maduro.
Sa teena e Trump le lagolagoina o Machado i le taimi ua sola, fai mai a ia e lagolago e Amerika le Sui Peresetene sa iai talu ai o Delcy Rodriguez.
Ua ta’ua i le CNN faamatalaga a Machado e faapea na te fia mana’o e faafetai ia Trump mo le gaioiga na faia ia Maduro ma na te fia tuuina le faailoga o le Nobel Peace Prize ia te ia ma ua ta’ua e Trump lea fuafuaga o se faaaloalo maualuga peita’i fai mai le Nobel Committee e lē o se faailoga e mafai ona transfer pe aveese mai se tasi i le isi.
Fai mai Trump e fiafia o lea e fia malaga ane Machado la te feiloa’i ma o loo tālia la se i’uga o lea feiloa’iga i le Vaia so nei.
O Machado lea na mauaina le Nobel Peace Prize i le tausaga talu ai, o se faailoga sa mana’o iai Donald Trump fua i lipoti mai atunuu mamao.
Puna o Faamatalaga: https://www.bbc.com/news/articles/cr7jzpr95yvo
