O loo taumate le tulai ma le lē tulai o le fomai Amerika lea na ia so’aina se tasi o tagata faigaluega i Queenstown ia Ianuari.
E 73 tausaga o Raman Sidhar na toe su’e atu e leoleo ua toe alu i Kalifonia i totonu o le 7 itula talu ona tupu le faalavelave tau taavale.
O le faalavelave lenei e le gata ua write off ai le taavale a le itu tagi, ae ua le o toe faigaluega ai ona ua afaina le tuasivi.
I molimau a leoleo e sese le itu auala sa alu ai le taavale a le alii fomai ma e ui e lei faigofie auala na toe su’e ai ona o le toe vave alu ese atu ma Niu Sila, ae o lea lava ua molia e tusa lea o le tasi le masina talu ona uma ona tupu.
O le aso 13 o le masina nei o loo tālia ai lona tulai i le faamasinoga faaitumalo i Queenstown, ma fai mai leoleo afai ae le sau o le a tuuina atu ai loa le tusi saisai ma faamauina foi lona igoa mo suesuega atili.
