Na maua e leoleo se tasi o meatotino anapo na faapopoleina ai, ma e lē gata o lea na faia iai gaioiga vave a le ofisa faapea sui o le militeli, ae o lea foi na faatonuina ai ma nisi o aiga tuaoi e tuua o latou fale.
O le lipoti a le Herald o loo ta’ua ai o lea na o leoleo i fale e lua i Redwood i Kalaiesetete anapo i lalo o faatagana faaletulafono e mafai ai ona ulufale ma suesueina, peitai na faate’ia i le maua ai.
O lea na faaauupegaina leoleo faapea sui o le militeli e gafa ma pomu ma o lea foi na iai ma tagata suesue faapitoa ma tagata pueata.
O se faamaoniga mai leoleo o le maua ai o le meatotino lenei anapo na faia ai ma poloka a leoleo i lea nofoaga mo le puipuiga o tagata lautele ma e tuufaatasia tala fou ua faamaonia mai e le sooupu o le ofisa o leoleo ua saogalemu.
Ona o loo faaauau pea suesuega faasaga i ia fale e lua na suesueina, e lē o mafai ai ona tele se tala mai le ofisa o leoleo i le taimi nei.
Ae i molimau a nisi o aiga tuaoi, o lea na muai logoina i latou e leoleo e aua ne’i o i fafo ma fale, toe mulimuli ane tu’itu’i atu le faitotoa e tatau ona oese ma fale.
Puna o Faamatalaga: Armed police in Christchurch find ‘item of concern’ while executing search warrant – NZ Herald
