Ua faailoa mai e le faatonu o le World Vision i Vanuatu o loo aafia lava le suāvai faapea foi ma le eletise i Port Vila ma o alalaupapa foi e fesoota’i ai aai ua faaleagaina, talu le mafui’e i le aso ananafi.
Na faalogoina pea i le taeao analeila nisi lūlūuga laiti o le mafui’e ma a itiiti mai e to’a 14 ua faamaonia le maliliu ma le silia ma le 200 ua manunu’a.
O le tele o faleoloa e lē o tatalaina ma o loo ave le faamuamua a le aulavea’i i le lavea’iina mai o i latou o loo taomia i nisi o fale na pa’ūū.
Ua toe ola laina o telefoni peitai o le initaneti e lē o ola.
Fai mai le faatonu o Vanuatu o se atunuu e aafia soo foi i suiga o le tau ma faalavelave faalenatura peitai e le’i saunia mo le mafui’e malosi na aafia ai i le aso ananafi.
Puna o Faamatalaga: https://www.rnz.co.nz/international/pacific-news/537040/services-still-down-nearly-24-hours-after-vanuatu-quake
