O le Palemia o Vanuatu, Jotham Napat ua tuuina atu sana lapata’iga i tagata faigaluega faalaua’itele ma ua unaia ai i latou e faatinoina ma le lelei o latou tiute pe o le a faamālōlō mai galuega.

Ua faamaioio mai e le Palemia le fuafuaga a le malo i le mata’itūina o galuega a tagata faigaluega lautele, public servants ma faamanino ai, afai e lē usita’ia ua tatau ona feagai loa ma aiaiga ua mae’a faatulaga.

Ua faaitiitia mālōlōga mo taumafataga a tagata faigaluega ma ua iai foi lipoti ua ta’ua ai ua faasā e Napat le faia o retreats a le malo, fai mai a ia o se ‘alofaga lea o tagata faigaluega mai le o ane i le ofisa poo fale faigaluega.

Fai mai le Palemia afai e lē o faia lona tiute o le a sauni e aga’i ese ma le tofi, sa ia faatoese foi i tagata Vanuatu ma faamautinoa iai o le a o latou galulue faatasi e faaleleia le tulaga o le atunuu.

Puna o Faamatalaga: https://www.rnz.co.nz/international/pacific-news/542316/new-vanuatu-pm-issues-warning-to-public-servants-over-performance