O Tesema o le tausaga na tea nei 2022 na nofo taofia ai ile vaaiga a leoleo le tama talavou o Edward Fanueli, o loo tetee i moliaga e lima a leoleo e aofia ai le moliaga o le fasioti tagata faamoemoeina.
O lea ua talia lana talosaga lona lua e tatala i tua e faatali ai Mati o le tausaga fou 2024 o le a suesue ai molimau a leoleo e lagolago ai tuuaiga o lona faaoo o le maliu ise tamaitai sa avea ma leoleo.
Ua maea ona talia e le aiga o le ua maliu le ifoga a lona aiga o le isi mafuaaga lea o le talia e le faamasinoga o lana talosaga, ma ua faatonuina e nofo i lona tuafafine ae aua nei toe oo i Aleisa na tupu ai le faalavelave.
Ua taofia foi lona tusifolau ma ua faatonu e saini faalua ile vaiaso ile ofisa o leoleo i Apia.
O le savalia o le valu masina talu ona taofia Edward ile vaaiga a leoleo, ua tatala ai i tua i aiaiga e faatali ai le tausaga fou e faagasolo ai taualumaga o lona faamasinoga.
