Search
Photo: Tosimaea Tupua fb

Valoia avanoa lelei o atina’e tau pisinisi i malaga i le va o Samoa ma Saina e leai ni visa

I le amata ai ona faamamalu i le aso 2 o le masina nei o Aperila, malaga i le va o Samoa ma Saina e lē toe tau faia ai ni visa ulufale, ua valoia le avea o lea avanoa e tele ai ni faiga tau atina’e i pisinisi i le va o tagata faipisinisi i Saina ma tagata faipisinisi i Samoa.

O le Aso Lulu o le vaiaso nei le aso 2 o Aperila na talimalo ai le ofisa o le Malo o Saina i se faaafe e sami ai le amatalia o lea laasaga fou ua taunuu iai sootaga faavaomalo o atunuu e lua, e pei ona mae’a sainia ai le maliega talu ai nei.

O lea faaafe a le malo o Saina i Samoa sa avanoa ai le Pelesetene o le mafutaga a le aufaipisinisi i le atunuu e faia sana folasaga le tofa Faasootauloa Sam Saili, lea sa ia faafetaia ai lea maliega e avea o se avanoa e sa’ili ai ni paaga faipisinisi, ma una’ia ai tulaga tau fefaataua’iga o oloa i le va o atunuu.

Sa faaleo ai foi e le tamaitai ta’ita’ifono o le Komiti Faafoe o le atina’e o tagata tafafao a Samoa le afioga Tauiliili Alise Stunnenberg lona faafetaia o lea maliega tau visa o le a una’ia ai le tulaga faalauiloa o Samoa i totonu o Saina ma isi atunuu Asia ma faatosina mai ai tulisi o lea vaega o le lalolagi e malaga tafafao mai i lo tatou atunuu.

O le taimi nei e na o le 6 pasene o tagata tafafao poo tulisi o loo malaga mai i Samoa mai Asia.

O le tausaga nei ua atoa iai le 50 tausaga o le faigapaaga faavaomalo a Samoa ma le malo o Saina.

O le itulau a le faigamalo o tu nei i le foe o loo faasalalau ai le lipoti i le gagana Peletania i le sauniga ua sami ai le amatalia o le feoa’i i le va o Saina ma Samoa e leai ni visa.

O lea aiaiga mo na o malaga e 30 aso le umi, ae o malaga e sili atu le umi e pei o a’o’a’oga e mana’omia lava le visa.

Tala sili ona faitaulia

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required