Ua valaau nei tagata Maoli o loo finau mo mataupu tau le soifua maloloina, valaau i le Malo mo se fetuunaiga faavave i le tulafono o ava malosi.

Ua mafua lea tulaga ona o se suesuega na faia e le Iunivesite o Otago sa faalauiloa i le vaiaso talu ai ua iloa ai o le ava malosi o se mea aupito sili lea ona faaleagaina ai se soifua i totonu o Aotearoa.

O le pule o le Hapai te Hauora mo le soifua maloloina lautele o tagata Maoli, Tara Dymus sa ia ta’ua e le o faate’ia ia i le aofai o tagata Maoli e tagofia le ava malosi auā ua leva lava ona iloa lea tulaga o Maoli e pito i luga o faamaumauga i mataupu tau ava malosi.

O lona popolega o le faatuai o le Malo i le faia o se gaioiga i mataupu e aofia ai le ava malosi.

E manatu se tasi o mentor o le polokalame tau komiuniti o loo fesoasoani ia i latou e aafia i le ava malosi, le fai ata tifaga o Jim Moriarty o le taulai lava e mo le Malo ina ia aoaoina le isi tupulaga i mataupu e pei o le ava malosi ma ona aafiaga.

E le o tāua se tali a le malo i ia finagalo faaalia.