Ua valaau e le All Blacks le prop o Tevita Mafileo e auai i le ‘au ua filifilia mo le malaga atu i Argentina mo le taaloga muamua o le Rugby Championships i le vaiaso fou.
Ona o loo manu’a pea le alii o Fletcher Newell, ua faaopoopo ane ai nei Mafileo i le ‘au e toa 36 e malaga ese ma Aukilani i le Aso Sa o muamua.
Sa aofia foi Mafileo i le All Blacks 15 lea na malaga i le UK ma Aialani ia Novema o le tausaga talu ai ma na taalo i lana uluai taaloga mo le Hurricanes i le 2020 ua atoa le 25 o ana taaloga i le laumua.
Ua faailoa i le lipoti a le Newshub e ono aofia foi ma se tasi o fetupupula a le Chiefs Shaun Stevenson i le ‘au e ono faaleoleo ai auā o loo manu’a foi Leicester Faingaanuku ma Mark Telea.
