O le tama taalo o le Roosters, Spencer Leniu ua ta’ua i le lipoti a le Sydney Morning Herald i le vaiaso nei lona valaau ai mo le faia o se Three Test Series i le va o Tonga ma Samoa tai pei o le faiga o le State of Origin.
Ua faailoa i le lipoti o le Kangaroos lea na malo i le Pacific Championships ma sa matua’i faatumulia ai le malae i Paramatta, le CommBank Stadium i tagata e silia ma le 28 afe.
Ua sauni Ausetalia mo le latou malaga taamilo i Great Britain ae totoe ai na o Samoa, Tonga ma Niu Sila e taaalo i le taamilosaga o le Pacific Cup i le tausaga fou lea la e talitonu Leniu o loo tele le naunauta’iga o atunuu o le Pasefika i le lakapi liki ma ua talafeagai ai le faia o sea fuafuaga i le va o Tonga ma Samoa amata i le tausaga fou.
Fai mai Leniu e lē popole pe tupu afea ae ia taunuu.E eseese foi finagalo faaalia i le social media aemaise nisi upega tafa’ilagi e uiga i lea mana’oga.
Puna o Faamatalaga: https://www.smh.com.au/sport/nrl/around-the-clubs-nov-2024-20241112-p5kpz1.html
