Tautua i le alofa, manuia le lumana’i, o le autu lea o le vaiaso o le gagana Samoa 2024 a o faamanatu ai i Niu Sila i lenei vaiaso.
Vaiaso o le Gagana Samoa o le uluai gagana lea na faamanatuina i totonu o Niu Sila o se tasi o vaiaso taua i le faamanatuina o gagana i le Atu Pasefika, e pei ona ona muai faamamalu ai i le 2007, ma o le tausaga nei ua atoa iai le 17 tausaga talu ona faia pea.
O le asō o loo tele ina faato’ā amata faia ai polokalame eseese e ese ai sauniga na amata aloaia ai i Aukilani, Invercargill, Whangarei, Levin ma Nelson.
I le tusigaigoa o le 2018 o loo maua ai e silia ma le 381,000 tagata Pasefika ua nonofo i Niu Sila ma i lea aofai, o le silia ma le 182,700 o tagata Samoa ma o le gagana Samoa o le gagana lona tolu lea i le faatulagana o gagana e tautalagia i totonu o Niu Sila, e pei ona muamua ma lona lua ai le gagana Maori ma le Igilisi.
Ae i totonu o le aai tele o Aukilani lea o loo iai le toatele o tagata Polenisia i le lalolagi, o le gagana Samoa e lona lua i le faatulagana o gagana e faaaogā.
O le sini autu o lenei vaiaso o le gagana Samoa o lenei tausaga e tusa ma tala mai le matagaluega o tagata Pasefika, na fili lea e tagata lautele e lē gata mo le faatumauina o le gagana e ala lea i le tautua aemaise o le alofa, faaaloalo ma le va fealoa’i.
Puna o Faamatalaga: Samoan Language Week 2024: Celebrating the third most spoken language in New Zealand – NZ Herald
