O lea ua toe tagatagai le Komiti o Faalavelave Faafuasei i se isi auala e tuuititia ai le soona tumutumu o faleoloa faapea pisinisi talatupe faamomoli aemaise o faletupe faapisinisi ona o le tulaga sa molimauina i le Aso Toanai lea na tatala ai le atunuu mo faatauga ma ia auaunaga moomia.
O le tumutumu o tagata ma mafua ai ona toe faaopoopo itula e tatala ai ia auaunaga i le Aso Toanai na tea nei lea na faatoa tapuni i le itula e 5pm ae le’o le 2 i le aoauli e pei ona masani ai.
O le tasi o tualga sa molimauina ua lē usitaia ai e tagata le 2m o le va o le isi tagata mai le isi ma o se vaaiga na mautinoa le atili pipisi ai o le siama o le faamai Koviti19.
Taua e le Taitaifono o le Komiti o Faalavelave Faafuasei ia Agafili Shem Leo “O luitau ia, these are what we call teaching problems, ona o tulaga o tatou fuafuaga o lea e roll out i se taimi tau amata faapenei e lē faigofie le tulaga o le compliance e pei foi o le tele o isi mea, o le agaga atoa ia i le matou vaavaai ina ia taumafai lava ina ia maua le tulaga lea o le mulimulitaia o tatou aiaiga aemaise foi o le puipuiga lava mo le atunuu, aua e ala na fai nei vaega ma fetuunaiga ona o puipuiga lava o le atunuu lautele fua i le fautuaga e aumai e tatou fomai i le ituaiga nature o le siama lenei poo le vairusi e vave tele le sosolo ma le pipisi pe afai e tumutumu tagata. Ia ae fetuunai a o se taimi feiloai le komiti ma toe fetuutuunai le kapeneta i tulaga ia ua ia.”
