Ua mae’a ona valaau le tamaitai o Kamala Harris e momoli lana faamalo ia Donald Trump i lona manumalo ai i le faigapalota a le atunuu.

I sana lauga i le mae’a ai o le palota ua saunoa ai le sui peresetene o Amerika, Kamala Harris o le a tumau pea le finau i mataupu sa finauina i le palota.

Fai mai Harris ua ia taliaina le i’uga o le palota ma e tatau i tagata uma ona faaaloalogia le faavae o le atunuu aemaise o le Atua.

Saunoa Harris ia i latou sa lagolagoina o ia e lē o le taimi lenei e siilima ai ae o le taimi e toe faatulaga ai ma tutumau mo le sa’olotoga ma le amiotonu aemaise le lumana’i e mafai ona fausia faatasi.

Fai mai Harris aua le taofia le finau mo se lalolagi e sili atu ona lelei.

Puna o Faamatalaga: https://edition.cnn.com/2024/11/06/politics/harris-concedes-election/index.html