Ua unaia nei tagata o loo aumau i faaitu o Niu Sa Uelese lea sa aafia i lologa mai lava i le vaiaso talu ai, ina ia silasila i ni faailo o ni vairusi e mafua mai i namu aemaise lava le JEV poo le Japanese Encephlitis virus lea foi sa fautuaina ai le atunuu i se taimi ua sola.
Fai mai i latou e tele lo latou silafia i tulaga ia, e ono iai ni faamai poo ni vairusi e pepesi mai namu e ono aafia ai manu papalagi a o lei oo i le Kirisimasi.
O le minisita o faatoaga i Niu Sa Uelese o Dugald Saunders ua ia ta’ua e le taumate o le a faateleina le numera o namu e vaaia i nai aso o lumanai ai aemaise lava i vaega sa lolovaia ma afai ae masalomia ua aafia ni meaola i le JEV e ao ona lipotia vave loa i le Emergency Animal Disease Hotline.
O lea vairusi e ui e le taatele peitai e mafai ona matuai ogaoga lava ni gasegase e aafia ai foi ma tagata ma o auga e aofia ai le tiga o le ulu, niniva ma tau matapogia foi.
Ua saunoa ai ma le minisita o le soifua maloloina i le setete Brad Hazzard, e ao i tagata o loo i nofoaga nei ona faia ni tuipuipui mai lea vairusi.
