O le susuga i le alii faiaoga, ae o se Foma’i o le tofa manino le afioga Muliagatele Dr Vavao Fetui, o se tamā ua matua lona soifua i tausaga, peitai o lana faatofāla’iga ma le naunauta’iga sailiili e lē o mu itiiti, e pei ona ia ausia ai se tasi o faailoga mai le tele o isi ona faailoga ma matati’a i nisi o faailoga tāua ua faauu mai ai i iunivesite i Niu Sila nei.
O le afioga Muliagatele o se alii faiaoga sinia i le Iunivesite a Aukilani mo le a’oa’oina o le Gagana Samoa, ae o ia foi o se tasi na aofia i le faaatulagaina ma tusia le taiala poo le curriculum e a’oa’oina ai le gagana Samoa i totonu o a’oa’oga i Niu Sila nei, aemaise
O se tasi ua faalupe foi e le matagaluega o mataupu tau tagata Pasefika, o ia o le Siamupini o le Gagana Samoa (Gagana Samoa Champion).
Ma o le matati’a ua ausia e lenei tamā, o le avea o ia ma uluai Samoa ua ausia le faailoga o le foma’i poo le Doctorate (PhD) i suesuega o le gagana Samoa i totonu o Niu Sila.
Faamalo lou saili malo lau afioga i le alii Foma’i, Muliagatele Dr Vavaō Fetui.
